|
علیرضا نابدل "اوختای"
چیگنیمده – یورقونلوق دوشومده یئترلیک اگنیمده، مین یارا کونلومده مین آرزو آتئمئن دئرناغئندا، وطن
دئرناخلار – داشلارا،،،
چئرپئلا؛ چئرپئلا...
ئوژلرین قانئنی یایاراق داشلارا،،، یئتیشدیم و پوزدوم؛ سون ئوژون یوواسئن...
قئزئ دا قورتاردئم؛ قارا شئن، قارا قاش، قارا تئل بیر قئز... گوزلری اولدوز...
اولدوزلار سسلندی؛ قارانقولوق؛ و انسان چاغرئلدی...
آنامئن تیکدیئی پاپاق دا یوخ اولدو... گلدیگیم یوللاری اونوتدوم سیلدیم ده کونلومه ؛ یانئلان کئچمیشی ؛ عالمیم بئله اولدو...
من اونو اردبیل خالچاسئ تکین، ایپکدن توخودوم. ارشی داماردان، آرقاجئ مووردن... ایلمه سی باخئشدان،گولوشدن...
بیر گول دا! قئزئل گول!
تیکانی، دویوشدن، چیچگی بارئشدان...
بیر گول دا! اطلس گول!
بیر گول دا! قئلئنج!!! بیر گول دا! آغارچئن! بیر گول دا! گویرچین!!! من اونو، اردبیل خالچاسی تکین، ایپکدن توخودوم...
توخودوم و سالدئم؛ کونلومون تکینه...
دایاندئم آخشامئن یولو اوسته، سسله دیم: "بری گل! قاراشئن!!!"
من قئپچاق اوغلویام؛ بولگه لی داغلارئن، سئلدئرئم قایاسی... گوزومون اوستونو، یاتاغئن ائده رم... دیزیمی؛ اوتماغئن... قولومو قالخان تک؛ چکه رم اوبایا؛ قوروسون سئوگیمی...
داماردان، توخونان؛ خالچا دا سالئنار...
گله جک گونلرین ، تکینه ؛؛؛ دوست اولاق... یولداش اولاق....
نبرد خلق شماره ۴۱۰- ویژه چهل و هشتمین سالگرد حماسه سیاهکل - ششم فروردین ۱۳۹۸
|